Kərə yağlı və sarımsaqlı göbələk qızartması ( Garlic butter roasted mushrooms)


Göbələk sevənlər buyursun, sevməyənlər burnunu tutub qaçsın)))

Göbələk insanları iki cəbhəyə bölür - onu ya sevirlər, ya sevmirlər, orta məxrəc yoxdur. Onun spesifik qoxusu var ki, hər adam sinirə bilmir bu qoxunu.
Ancaq məncə göbələyi sevənlər çox şanslıdır -  o qədər dadlıdır ki !

Bu gün sizə ən bəsit bir tərif təqdim edirəm - kərə yağında sarımsaq ilə qızardılmış gəbələk

Kərə yağlı və sarımsaqlı göbələk qızartması üçün lazım olan ərzaqlar :
göbələk 400 qr
sarımsaq 1 diş
bitki yağı ( günəbaxan və ya zeytun yağı) 3-4 y.q.
ərinməmiş kərə yağı 1 y.q.
duz, istiot
keşniş



Əvvəl göbələkləri təmizləmək lazımdır. Əgər çox çirkli, torpaqlı deyillərsə, mən onları suyun altında yumuram (adətən marketdən alıram).
Eləcə üst qabığını bıçaq ilə soyuram, sanki incir soyduğumuz kimi.


Şəkildə necə təmizlədiyimi mərhələ ilə göstərirəm - əvvəl göbələyin "papağının" üst qabığını soyuram, sonra isə...


... "ayağının" qabığını bıçaq ilə yüngülcə qazıyıram.


Çox da nazik olmayan dilimlərə kəsirəm (çox nazik kəsəndə bişən zaman çox əzilir-büzülür)


Bir dilim sarımssağın qabığını soyub, xırda doğrayıram.



Ön hazırlıq bitdi. Tavanı yanan ocağın üstünə qoymaq, isinməsini gözləmək. Elə ki isindi, onda 3-4 y.q. bitki yağ  tökün və 1 dəq isinməsini gözləyin.

İsinən yağa 1 y.q. kərə yağı (ərinməmiş) əlavə edin.




Bu zaman sarımsağı əlavə edin və orta atəş üstündə qarışdıraraq 1 dəq qovurun.



Sonra göbələkləri əlavə edin və atəşi biraz qaldıraraq başalyın qovurmağa. Ara-bir qarışdırmağı unutmayın. Qızartma əsnasında ola bilsin ki yağ çəkilsin, onda 2-3 qaşıq yağ əlavə edin ki, göbələklər quru-quru qızarmasın, yağın içində qızarsın.
Göbələklər əvvəl su verəcək, sonra isə suyu çəkiləcək və başalyacaqalar qızarmağa.



Göbələklər tam yağa düşəndən sonra duzunu və istiotunu vurun.



Ən axırda doğranmış keşnişi əlavə edin və isti-isti təqdim edin süfrəyə.

Bloqumda başqa ətsiz yeməklər tərifi var, baxmaq üçün bura basın, isti yeməklər baxmaq üçün buraya

Hiç yorum yok:

Yorum Gönder