Çiyələkli piroq ( Strawberry cake )


Effektli görünüşə malik Çiyələkli piroq 


İnstagram səhifəmdə keçirdiyim #bloqer_dostluq lahiyəmin davamı olaraq @duyməciyin_mətbəxi səyifəsinin aparıcısı Nairanın təqdim etdiyi Çiyələkli piroqu sınaqdam keçirməyə qərar verdim. Yumuşaq və dadlı alındı. Ancaq özümdən xırda əlavələr də etdim və son nəticəni sizə təqdim edirəm)


Çiyələkli piroq üçün lazım olan ərzaqlar :
3 yumurta
1 stakan şəkər
50 qr (2 y.q. ) əridilmiş kərə yağı ( mən əritmədim, lap yumuşaq halda qatdım)
0,5 stakan isti su ( qaynar deyil )
2 stakan un
2 çay qaşığı qabartma tozu
1 cimdik duz
qıydığınız qədər çiyələk:)))


Dərin qabın içində yumurtaları şəkər ilə 4-5 dəq yaxşıca çalmaq


İsti su və ərinmiş yağı da əlavə edib qısa müddət çalın ki, ərzaqalr bir-birinə qarışsın.


Unu, qabartma tozunu və duzu birbaşa yumurtalı məhlulun üstünə ələyin


Qaşıq ilə qarışdırın. Orta qatılıxda xəmir alınmalıdır, nə ayran kimi duru, nə süzmə kimi qatı. Orijinal tərifdə çiyələkləri xəmirəəlavə etmək lazım idi, mən belə etmədim, sadəcə xəmirin üstünə sıx-sıx düzdüm.


Mən bu keksi bişirmək üçün enli və divarı alçaq qab götürdüm, diametru 28 sm. Məncə bu qabda keks daha effektli görsənəcəkdir ( və yanılmadım)



Hər zamankı kimi qabı yağlamaq və unlamaq



Xəmiri qaba tökmək və 1-2 hərəkətlə yüngülcə silkələmək ki, xəmirin içindəki hava çıxsın



Təmizlənmiş çiyələyi xəmirin üstünə səliqəli şəkildə düzün. Üstündən biraz basın ki, keks bişən zaman köpəndə, çiyələklər yuxarı qalxıb yanmasın



Xəmiri əvvəldən 160t isidilmiş sobaya göndərin və 35-40 dəq bişirin.Kes çox qızarmamalıdır




Hazır keksi sobadan çıxardıqdan sonra soyumasını gözləyin və üstünə şəkər kirşanı səpin.

2 yorum:

  1. Donmuş çiyələk olar? Yayda buzxanaya qoyduğum çiyələklər var ona görə soruşdum.😊

    YanıtlaSil
    Yanıtlar
    1. Olar, donmuş halda xəmirə əlavə edin))

      Sil