Çiyələkli krem


Çox yüngül, həfif bir kremdir. Alışdığımız kərə yağlı və qatılaşdırılmış südlü kremə əvəz edə biləcək başqa krem axtarırsız əgər, bu tərifi sınayın.


Tərkibinə qatılmış çiyələk isə ona xoş ətir, rəng və azacıq meyxoş dad verir.Mən nədənsə bu kremi yaz fəslinə yaraşdırdım, yüngül və az yağlı olduğu üçün.

Bu krem tort bəzəyi kimi istifadə oluna bilməz, çünki formasını saxlamır, biskvitin aralarına yaxmaq olar və yaxud, mənim ən çox cevdiyim üsul - artıq qalmış biskviti xırda dilimləyərək krem ilə kiçik porsiyalı qablarda lay-lay yığıb təqdim etmək olar.


Çiyələkli krem üçün lazım olan ərzaqlar :
280 qr pendir kremi (şəkildə var)
100 qr kərə yağı
100 qr şəkər kirşanı (məhz kirşan olmalıdır, şəkər tozu ilə əvəz etmək olmaz)
100 qr çiyələk + 1 çay qaşığı şəkər kirşanı
1 damcı qırmızı rıng boyası

Krem düzgün alınsın diyə, bir neçə məsləhətimə dəqiq riayət edin.
1. kərə yağı yumuşaq olmalıdır
2. pendir kremi isə tam əksinə soyuq olmalıdır, yəni onu soyuducudan ən son anda, kremə qatacağınız anda çıxardın.
3. Şəkər kirşanı hazır satılanlardan almağınızı məsləhət görürəm, ev şəraitində üyütdüyümüz şəkər o qədər də narın olmur və kremdə əriməyə bilər.

Çiyələk kremə əzmə halında qatılır. Əzmə əldə etmək üçün onu parçalayıcı alətdə(Blendar) parçalayın. Parçalayıcınız yoxdursa, onda əvvəl çıçaq ilə xırdalayın, sonra ya çəngəllə yada kartof əzmə aləti ilə əzmə halına salın.


Çiyələkləri təmizləyib, parçalayıcının içinə yığmaq. 1ç.q. şəkər kirşanı tökmək və parçalıyıcını çalışdırmaq.




Eyni məğzli əzmə alınmalıdır, içində iri ya xırda hissəəciklər qalmamalıdır, sonra onlar ağıza gəldikdə xoş olmaya bilər.
İstəyə görə bir damcı qırmızı qida boyası əlavə edə bilərsiz.


Kasaya yumuşaq yağ və kirşanı qoyub, mikseri çalışdırın.


Yağ ağaranadək çalın.


Soyuq pendir kremini əlavə edib, yenə mikseri çalışdırın


Tam ərzaqlar bir-birnə qarışanadək çalın. Ancaq artıq zaman da çalmaq olmaz


Gördüyünüz kimi eyni məğzli, buluda bənzər ağ, havalı bir krem alındı. Artıq krem hazırdır, onu bu çür də istifadə etmk olar


Ancaq çiyələkli krem əldə etmək istəyirsizsə, onda öncədən hazırladığımız çiyələk əzməsini də kremə əlavə edirik və 1-2 saniyəlik mikseri çalışdırın ki, ərzaqlar tam bir-birnə qarışsın



Bu qədər, krem artıq hazırdır.

Çiyələkli krem olduqca həfifdir, hazır olanda az qalırıq hamısını elə belə yeyib qurtaraq)
Yuxarıda qeyd etdiyim kimi, bu kremi biskvit parçaları ilə laylyıb, kiçik posion qablrda təqdim etmək olar. Çox effektli görsənir !

Bloqumda çiyələkli təriflərə baxmaq üçün bura basın

Hiç yorum yok:

Yorum Gönder