Ev şəraitində Dönər (Homemade Doner kebab)


Ev şəraitindədə asan və dadlı dönər hazırlamaq olar


Dönəri hər cür ətdən düzəltmək olar. Mən toyuq ətindəndə, mal ətindəndə düzəltmişəm, yaxşı qovurma bişirəndə ətin heç bir fərqi olmur. Ancaq qoyun ətinin dönəri daha ləzzətli olur məncə.

İşin sirri odurki əti qovuranda çox qurutmayasan.


Əvvəl quyruğu lap xırda, kibrit başı boyda doğradım.
Belə xırda doğramağımın səbəbi - evdəki uşağın quyruq yeməməsidir.
Məndə quyruğu lap xırda doğrayıram, quyruq həm əriyir gəşəng yağ salır, həm tam qovrulur xırt-xırt halında, heç uşağın xəbəri də olmur))

Demək quyruq tam qovrulmalıdır, lap quruyub qırt-qırt hala düşənədək. Qovrularak yağ da salır. Bax bu yağda sonra əti qovuracam.
Qızarmış quyruqları qaşıq ilə tavanın içindən yığıram ayrıca bir boşqaba, onları ən axırda ətə qatacam


Tavanı ocağın üstündən götürmədən lap xırda doğranmış əti tökürəm quyruq yağının içinə. Ocaq çox güclü olmalıdır ki, ət o saat qovrulmağa başlasın, su verməsin.
Su versə ət bərkiyir, gec bişir. Əgər ət çoxdursa, onda hissə-hissə qovurun, yaxud böyük tava götürün. Mən cəmi 2 nəfərlik bişirirdim kiçik tavada.


 Elə ki ət özünü tutdu, duz vurun, altını xeyli qısın və zəif odda hərdən qarışdıraraq qovurun. Xırda doğramış soğanı əlavə edin və qovurmaya davam edin. Soğan ətin içində əriməlidir.
Ən axırda ədviyatlar vurun. Seçim sizindir, mən 1 cimdik sarıkök, 1-2cimdik qırmızı toz bibər, mütləq istiot və təbii ki duz.

Ara bir qarışdırmağı unutmayın.
Sonra bu ətə mən yarım stakan su tökdüm, qapağı kip örtüb bişirdim. Ət tam bişməlidir, pilə kimi olmalıdır, suyu da tam çəkilməlidir, ət yağa düşməlidir, cırta-cırt qovrulmalıdır. Ancaq diqqət edin çox qurutmayın. Elə ki su çəkildi, yağa düşdü, demək hazırdır, ocaxdan alın.

Əgər toyuq ətindən bişirəcəksinizsə, onda su tökməyə ehtiyac yoxdur, toyuq tez bişəndir, elə qovura-qovura bişəcəkdir


Bu içliyin hazır halıdır. Gördüyünz kimi tikələr yaxşı qovrulub, yağa düşüb, suyu çəkilib, soğan "əriyib".
Bax indi qızarmış quyruqları qatın ətin içinə və qarışdırn.

Deyim sizə qovurma elə bu halda da yaman ləzzətlidir, çörəyi batır yağına ye ))


Ət bişənədək  kənarda lazım olan başqa ərzaqları hazırladım - keşnişi doğradım, pomidoru və soğanı incə-incə aypara şəklində doğradım.
Bunları hazır vəziyyətdə ocağın kənarında saxlayın. Yuxada həmçinin.


Artıq hər şey hazırıdr. Yuxanın birini götürürəm,ortadan iki yerə qatlayıram (mənim yuxalarım çox böyük idi)  ətin üstünə batırıram bir tərəfini və qoyuram yuxanı masaya.

Əgər sizin yuxalar kiçik və nazikdirsə, onda iki yuxanı üst üstə qoyun, çox nazık olanda isti ət yuxanı cırır.


Üstünən içlik qoyuram - əvvəl ət, sonra ...


sonra soğan, pomidor və ən üst qat keşniş ( sevməyən cəfəridən istifadə edə bilər).


Yuxanın əvvəl hər iki ucunu qatlayıram içəri ki, hər iki ucu da bağlı olsun, yeyəndə içlik tökülməsin, sonra yuxanı boru şəklində kip bükürəm.
Yerdə qalan yuxaları da eyni təkrarlayıram. Bir dəfə əti qarışdırıram ki, dibindəki yağ qalxsın yuxarı, yuxanı batırıram ətə və içlik qoyub bükürəm.
Bükən kimi də verin külfət yesin, soyuyanda ləzzəti qaçır. Burdan bükün, burdan da yeyin, konveyer kimi ))
Ərzaqların miqdarını vermirəm, evdəki qarın - mədə sayına görə ərzağınızı götürün. 

Hiç yorum yok:

Yorum Gönder