Toyuq şnitseli (Chicken schnitzel)


Çox dadlı, xırt xırt üst qabıqlı Toyuq şnitseli




Lazım olan ərzaqlar :
toyuğun döş əti 200qr  ( 1 döş ət 2 nəfər üçün)
2yumurta
yarım stakan qurudulmuş çörək ovuntusu (suxari)
duz
qızartmaq üçün yağ





 Döş ətini soyuducudan  bişirməzədən bir 20-30 dəq əvvəl çıxarın. Əgər çox su veribsə (adətən dondurulmuş ət donu açılandaan sonra su verir ), onda mətbəx kağızının üstündə biraz saxlayın ki, artıq suyu çəkilsin.


Ət taxtasının üstünə qoyun və əvvəl döş ətinin qırağında kiçik bir tikə olur ha, onu kəsin.

Sonra ortadan iki yerə bölün.


Sonra bu alınan hissənin birini qoyun streç cığalanın arasına və ya oxloynan  biraz əti "döyün",yəni nazildin.


Bax şəkildə gördüyünüz hala gəlməlidir ət.Nazik yastı ləpik daşı kimi.


Tavanı qoyun ocağın üstünı orta atəş üstündə isinsin.Sonra yağ tökün,qoy yağ da isinsin.

Əvvəldən 2 dərin və geniş boşqab götürün, birinin içinə 2yumurta qırıb çəngəl ilə çalın (yaxşıca duz da vurun), o biri boşqabın içinə isə qurudulmuş çörək ovuntusu tökün.


Döyülmüş əti əvvəl yumurtaya bulayın hər iki tərəfini, sonra çörək ovuntusuna.


Bunu bir də təkrarlıyın,yəni ovuntunun içindən çıxardıb salın yumurtanın içinə,sonra isə ovuntunun içinə.






İndi bunu qoyuruq isinmiş yağın içinə.
Tava soyuq olarsa, ət bütün yağı canına çəkəcək, çox qaynar olarsa, onda ət yanacaq, içi çiy qalacaq.
Orta od olmalıdır.


Hər iki tərəfini narrr kimi qızardın.Mən hətta ən son atəşi biraz da aşağı edirəm ki, ət yaxşı bişsin.


Adətən mən əti bişirməzdən bir 5-10dəq qabaq başqa bir tavada kartof qızardıram) Qızardıqca yığıram onları boşqaba, toyuq da qızaranda yanına qoyuram və süfrəyə təqdim edirəm))


Yemək "boğmasın" diyə, yanında xiyardan - miyardan da verin :)))

Hiç yorum yok:

Yorum Gönder